The Hanoverians

The Hanoverians

ഒരു വിക്ടോറിയൻ പഴങ്കഥ

ഒരു വിക്ടോറിയൻ പഴങ്കഥ
വെറും പതിനൊന്നു വയസ്സുള്ളപ്പോൾ,1830-ല്
ആണു വിക്ടോറിയ രാജകുമാരി താനാണടുത്ത
കിരീടാവകാശി എന്ന കാര്യം അറിയുന്നത്.ഹാനോവർ
കുടുംബം കെൻസിംഗ്ടൺ കൊട്ടാരത്തിലാണു താമസം.
രാജകുമാരിയുടെ കാര്യങ്ങൾ നോക്കുന്ന ഗവർണസ്സ്
കുടുംബവൃക്ഷത്തിന്റെ ഒരു പ്രതി അറിയാത്ത മട്ടിൽ
രാജകുമാരിയുടെ പുസ്തകത്താളുകൾക്കിടയിൽ
വച്ചു കൊടുത്തു.വല്യഛൻ ജോർജ് മൂന്നാമൻ രാജാവു
മായുള്ള ബന്ധം രാജകുമാരിക്കു മനസ്സിലായി.താംസ്സിയാതെ
താൻ രാജ്ഞി യാകും എന്നവളറിഞ്ഞുഞ്ഞു.ഈ പെൺകുട്ടി
പൊട്ടിക്കരഞ്ഞു.
രാജ്ഞിയായി നല്ല പേരുണ്ടാക്കണം .അവൾ അന്നേ തീരുമാനിച്ചു.
ജോർജ് മൂന്നാമ്നു ആൺ മക്കൾ ഏഴു പേർ.പക്ഷേ 1819 ആയിട്ടും
അവരിൽ ഒരാൾക്കു പോലും രാജ്യം ഭരിക്കാൻ പറ്റിയ ഒരു തരിയെ
സൃഷ്ടിക്കാൻ കഴിഞ്ഞിട്ടില്ല.പിതൃശൂന്യരായ കുറെ വല്ലാത്ത സന്തതികളെ
മാത്രമേ അവർ അതു വരെ സൃഷ്ടിച്ചിട്ടുള്ളു.വെപ്പാട്ടികൾ ഉണ്ടാക്കത്ത
പ്ര്ശ്നങ്ങളും ഇല്ല.1819 ല് വിക്ടോറിയാ ജനിത്തതോടെ ആണു ശരിയ്ക്കും
ഒരവകാശി ജനിച്ചത്.എന്നാൽ 8 മാസം കഴിഞ്ഞപ്പോൾ അവളുടെ പിതാവ്,
ഡ്യൂക് ഓഫ് കെന്റ്,എഡ്വേർഡ് ചെറിയ ഒരു ജലദോഷപ്പനിയെ തുടർന്ന്
അന്തരിച്ചു.വിക്ടോറിയായുടെ അമ്മ ,വിധവയായ ഡച്ചസ് കെന്റ്
വിക്ടോറിയായെ തോളത്തും താഴത്തും വയ്ക്കാതെ നോക്കി.രണ്ടാം നിലയിൽ
നിന്നു താഴോട്ടു ഇറങ്ങണമെങ്കിൽ പോലും ഒരാളുടെ കൈപിടിച്ചു വേണമായിരുന്നു
പോകാൻ.ഒരേ കിടക്ക മുറി.സന്ദർശകർക്ക് കൃത്യമായ,കർക്കശമായ പ്രോട്ടോക്കോൾ
നിബന്ധനകൾ.കെൻസിങ്ങ്ടൺ സിസ്റ്റം എന്നറിയപ്പെട്ട നിബന്ധനകൾ.സമപ്രായക്കാരായ
കുട്ടികളെ കാണാൻ അനുവാദമില്ല.കളിക്കാൻ ഒരു സ്പാനിയൽ പട്ടിക്കുട്ടി-ഡാഷ് മാത്രം.

സർ ജോൺ കോൻറോയ് എന്നൊരു ഇഷ്ടക്കാരൻ ഉണ്ടായിരുന്നു വിക്ടോറിയായുടെ
അമ്മയ്ക്ക്.അയാളെ ഭാവി പ്രൈവറ്റ് സെക്രട്ടറി ആക്കണം.അതായിരുന്നു രണ്ടു പേരുടേയും
ആഗ്രഹം.അതിനായിരുന്നു പ്രോട്ടോക്കോൾ.1835 ല് രാജകുമാരിക്കു ലഘുവായ അസുഖം
വന്നപ്പോൾ ഇരുവരും ചേർന്ന് അവളെ കൊണ്ട് കോൻറോയിയെ ഭാവി സെക്രട്ടറിയാക്കാം
എന്നൊരു രേഖ ഒപ്പിടീക്കാൻ ശ്രമിച്ചു.മിടുക്കിയായ വിക്ടോറിയാ ഇരുവരേയും അമ്പരപ്പിച്ച്
അതു തള്ളിക്കളഞ്ഞു.
വർഷം രണ്ട് അതി വേഗം കടന്നു പോയി.
1837 ജൂൺ 20 വില്യം നാലാമൻ രാജാവു നാടു നീങ്ങുന്നു.

അന്നു നേരം പരപരാന്നു വെളുത്തു വരുന്നതേ
ഉള്ളു.ലോർഡ് ചേംബർ ലൈനും കാന്റർബറി
ആർച്ച് ബിഷപ്പും ഉറക്കക്ഷീണത്താൽ അടഞ്ഞു
പോകുന്ന കണ്ണുകളുമായികെനിങ്ങ്സ്ടൺ കൊട്ടാര
വാതിലിൽ മുട്ടിവിളിച്ചു.കിടക്കറ വേഷത്തിൽ
രാജകുമാരി ഇറങ്ങിവന്നപ്പോൾ ഇരുവരും ആ
പതിനെട്ടുകാരിയുടെ കാലിൽ വീണു വില്യം
നാലാമൻ നാടുനീങ്ങിയ കാര്യം ഭാവി രാജ്ഞിയെ
അറിയിച്ചു.അന്നു രാത്രി വിക്ടോറിയ തനിയെ
ആണു കീടന്നുറങ്ങിയത്.തന്റേതായ വസ്തുവകകൾ
ബക്കിംഗാം കൊട്ടാരത്തിലേക്കു അവർ ഉടനടി മാറ്റി.
അമ്മയും ഇഷ്ടക്കാരനുമായി സർവ്വബന്ധവും വിടർത്തി
ആ ബുദ്ധിമതി.അമ്മ മകളെ കാണാൻ അനുവാദം
ചോദിച്ചപ്പോഴെല്ലാം ബിസ്സി എന്നു മറുപടി.സർ ജോൺ
കോണറോയിക്കു ബക്കിംഗാം കൊട്ടാരത്തിൽ പ്രവേശിക്കാൻ
അനുമതി കിട്ടിയതേ ഇല്ല.
അടുത്ത 63 വർഷക്കാലത്തെ അതിശക്തിമതിയായ ഭരണാധികാരിയുടെ
ആദ്യ ചുവടുവയ്പ്പു അന്നു തന്നെ തുടങ്ങി.സൂര്യനസ്തമിക്കാത്ത
മഹാരാജ്യത്തിന്റെ മഹാരാജ്ഞിയായി അവർ വാണു പിൽക്കാലത്ത്.
63 വർഷം ഭരിച്ച മറ്റൊരു രാജാവൊ രാജ്ഞിയോ ബ്രിട്ടനിലില്ല.
വിക്ടോറിയൻ ശൈലി പ്രസിദ്ധമായി.ജൂബിലി എന്ന വാക്കു പോലും
അവർക്കു വേണ്ടി നിർമ്മിക്കപ്പെട്ടു.അവരുടെ സ്മാരകങ്ങൾ
ലോകമെമ്പാടും.അനന്തപുര്യിൽ വിക്ടോറിയാ ജൂബിലി ടൗൺ ഹാൾ
(വി.ജെ.ടി ഹാൾ) വിക്ടോറിയാ കോളേജ് പാലക്കാട്.
എന്തിനു ഞങ്ങളുടെ പൊൻ കുന്നത്തു പോലും ജൂബിലി മെമ്മോറിയൽ
കീണർ,രാജേന്ദ്രമൈതാനിയിൽ.ഇന്നും സമീപ ഹോട്ടലുകാർക്കു
കുടിവെള്ളം നൽകുന്നു.
വാൽക്കഷണം.
കിരീടം കിട്ടിയ ശേഷം ബക്കിംഗാം പാലസ്സിൽ എത്തിയ വിക്ടോറിയാ
ആദ്യം ചെയ്തത് തന്റെ കളിക്കൂട്ടുകാരൻ ഡാഷിനെ കുളിമുറിയിൽ
കൊണ്ടു പോയി കുളിപ്പിക്കുക എന്ന കൃത്യമായിരുന്നു.

കടപ്പാട്
റൊബർട്ട് ലേസി

ചിരാതേന്തിയ മഹിളാമണിയും ചായക്കോപ്പയേന്തിയ ലലനാമണിയും

ചിരാതേ ന്തിയ മഹിളാമണിയും
ചായക്കോപ്പയേന്തിയ ലലനാമണിയും

മധുരപ്പതിനാറിൽ ദൈവവിളി കേട്ട പെൺകിടാവായിരുന്നു
ഫ്ലോറൻസ് നൈറ്റിംഗേൽ.1837ഫെബ്രുവരി ഏഴിലെ ഡയറിക്കുറിപ്പിൽ
അവളതെഴുതി വയ്ക്കയും ചെയ്തു:
"ഇന്നു ദൈവം എന്നെ വിളിച്ചു;അവനെ ശുശ്രൂഷിക്കാൻ".

എന്നാൽ അതേതു രീതിയിലാവണം എന്നു തീരുമാനിക്കാൻ
അവൾക്ക് ഏഴുവർഷം ഏടുക്കേണ്ടി വന്നു.
അവസാനം "ആതുരശുശ്രൂഷയാണു ദൈവശുശ്രൂഷ" എന്നവൾ കണ്ടെത്തി.
അവളുടെ സമ്പന്നവും കുലീനവും ആയ കുടുബത്തിനു അനുവദിക്കാൻ
കഴിയുന്ന കാര്യമായിരുന്നില്ല അക്കാലത്ത് നേർസിംഗ് .

പുഴുത്തു നാറുന്ന ഇടങ്ങളായിരുന്നൂ പത്തൊൻപതാം നൂറ്റാണ്ടിൽ
ആതുരാലയങ്ങൾ എല്ലാം തന്നെ.നേർസുമാർ മോശം സ്വഭാവക്കാരാണെന്നും
വെള്ളമടിക്കാനും ശരീരം വിൽക്കാനും തയാറാകുന്നവരാണെന്നും ജനം
കരുതിയിരുന്ന കാലം.
എന്നാല് ലണ്ടനിലെ ഹാർലി തെരുവിലെ ഇൻസ്റ്റിട്യൂട്ട് ഫോർ ദകെയർ
ഓഫ് ജെന്റിൽ വുമൺ ഇൻ ഡിപ്രസ്സ്ഡ് സർക്കംസ്റ്റാൻസസ് എന്ന
സ്ഥാപനത്തിൽ പ്രായം ചെന്ന അമ്മമാർക്കു പരിചരണം നൽകുന്ന
ജോലി സ്വീകരിക്കുവാൻ കുടുംബം മനസ്സില്ലാ മനസ്സോടെ അവൾക്ക്
അനുമതി നൽകി.
1854 ല് ക്രിമിയൻ യുദ്ധസ്ഥലത്തു നിന്നും തോമസ് ചിനേറി
എന്ന ദ ടൈംസ് ലേഖകൻ യുദ്ധത്തിൽ മുറിവേറ്റ ഭടന്മാർക്കു
പരിചരണം കിട്ടുന്നില്ല എന്നു കാട്ടി വിശദമായ ഒരു ലേഖനം
എഴുതി.സർജൻസില്ല.ഡ്രസ്സ് ചെയ്തു കൊടുക്കാൻ ആളില്ല.നേർസ്
മാരില്ല എന്നിങ്ങനെ.അതു വായിക്കാനിടയായ നൈറ്റിംഗേൽ
വാർ സെക്രട്ടറി സിഡ്നി ഹെർബർട്ടിന് താൻ ഒരു സംഘം
നേർസുമാരുമായി ക്രീകിയൻ യുദ്ധക്കളത്തിലേക്കു പോകുവാൻ
തയ്യാറാണെന്നെഴുതി.
അവിടെ എത്തിയ നറ്റിംഗേൽ മിലിട്ടറി ഹോസ്പിറ്റലിനു സമീപം
ഒരു കെട്ടിടം വാടകയ്ക്കെടുത്തു.വലിയ ബോയിലർ സംഘടിപ്പിച്ചു.
വലിയൊരു അലക്കു കേന്ദ്രം തുടങ്ങി.പട്ടാളകാർക്കു കിട്ടുന്ന ഭക്ഷണം
മോശമാണെന്നു കണ്ട് അലക്സിസ് സോയർ എന്ന പ്രശസ്ത പാചക
വിദഗ്ദനെ ലണ്ടനിൽ നിന്നു  വരുത്തി പോഷകഭക്ഷണം നൽകാൻ
ഏർപ്പാടു ചെയ്തു.ആശുപത്രി ജോലിക്കാരിൽ വൃത്തിയും വെടിപ്പും
അച്ചടക്കവും നടപ്പാക്കി.അങ്ങനെ ബ്രിട്ടീഷ് നേർസിംഗ് രീതി രൂപപ്പെട്ടു.
ചിരാതേന്തിയ ആ മഹിള ലോകമെങ്ങും പ്രശസ്തയായി.
തിരിച്ചു നാട്ടിലെത്തിയപ്പോൾ സ്വീകരണം നൽകാൻ ഒരുങ്ങിയപ്പോൾ
അവർ അതു തടഞ്ഞു.ബാക്കി കാലം അവർ ആശുപത്രി,പ്രസവ വാർഡ്
പരിഷ്കരണ പരിപാടികൾക്കായി മാറ്റിവച്ചു.ലോകമെമ്പാടു നിന്നും
ഒട്ടേറെ പെൺ കുട്ടികൾ നൈറ്റിംഗേലിനെ അനുകരിച്ചു പിൻ ഗാമികളായി
ആതുരസേവനം നടത്തുന്നു.ഇക്കാര്യത്തിൽ മലയാളി പെൺ കിടാങ്ങൾ
മുൻപന്തിയിൽ നിൽക്കുന്നു.
നൈറ്റിംഗേലിനെ പോലെ സേവനം നൽകിയിട്ടും അറിയപ്പെടാതെ പോയ മറ്റൊരു
വനിതയുമുണ്ടായിരുന്നുക്രീമിയൻ യുദ്ധരംഗത്ത്.മഞ്ഞപ്പെൺ.ഒരു ജമേഷ്യൻ അർദ്ധ
വനിതാ ഡോക്ടരുടെമകൾ.പിതാവ് ഒരു സ്കോട്ടീഷ് പട്ടാളക്കാരൻ.
ഹോറോഷ്യോ നെൽസൺ
എന്ന ഒന്ന്-ഒന്ന്-ഒന്ന് തലതൊട്ടപ്പനായിരുന്ന എഡ്വിൻ ഹോറൊഷ്യോ
ഹാമിൽട്ടണെവിവാഹം കഴിച്ച മേരി സീക്കോൾ.
1844-ല് ഭർത്താവു സീക്ക്ക്കോൾ മൃതിയടഞ്ഞതിനെ തുടർന്നു
മേരി സ്വന്തം കാലിൽ നിക്കാൻ ശ്രമമാരംഭിച്ചു.മാതാവിൽ
നിന്നു കിട്ടിയ മുറി വൈദ്യം അതിനു സഹായിച്ചു.ജമേക്കായിൽ
വിമുക്തഭടന്മാരായി ഒരു പരിചരണകേന്ദ്രം തുടങ്ങി അവർ.

1850 ല് പനാമയിൽ പോകേണ്ടി വന്നപ്പോൾ അവിടെ കോളറ
നടപ്പുദീനമായിരുന്നു.മേരിയുടെ ചികിൽസ വഴി ഒരുപാടു
മരണം ഒഴിവായി.തുടർന്നു നല്ലൊരു മുറിഡോക്ടർ ആയി
മേരി അറിയപ്പെട്ടു.1854ല് അൻപതാം വയസ്സിൽ മേരി
ലണ്ടനിൽ പോകാനിടയായി.ക്രിമയൻ യുദ്ധക്കളത്തിലെ കഥകൾ
മേരിയും പത്രങ്ങളിൽ നിന്നും വായിച്ചറിഞ്ഞു.വാർ സെക്രട്ടറിയെ
നേരിൽ കണ്ടു യുദ്ധസേവനം അനുഷ്ഠിക്കാൻ തയ്യാറാണെന്നറിയിക്കാൻ
ശ്രമിച്ചെങ്കിലും അതു നടന്നില്ല.നൈറ്റിംഗേലിനെ സഹായിച്ചിരുന്ന ക്രിമിയൻ
ഫണ്ടും മേരിയെ സഹായിച്ചില്ല.രണ്ടിനും കാരണം വർണ്നവിവേചനം
ആയിരുന്നു.ജമേക്കക്കാരി മേരി കറുത്തവൾ അല്ലെങ്കിലും വെള്ളയല്ല,മഞ്ഞ.
അന്തരിച്ചു പോയ ഭർത്താവിന്റെ സ്നേഹിതൻ മിസ്റ്റർ ഡേയുടെ
സഹായത്താൽ അവർ ബ്ലാക് സീയിൽ ക്രിമിയൻ മോഡലിൽ അവിടെ
ഉണ്ടായിരുന്ന കിങ്ങ്സ്റ്റൺകെയർ സെന്ററിൽ ജോലി നേടി.
ബ്രിട്ടീഷ് ഹോട്ടൽ എന്ന പേരിൽ മഞ്ഞ മേരി അവിടെ ഒരു സ്ഥാപനം
തുടങ്ങി.അടുക്കള,ഭോജനശാല,കിടന്നുറങ്ങാൻ ഇടം,മൃഗങ്ങൾക്കും
ഒരു വിശ്രമകേന്ദ്രം എന്നീ സൗകര്യങ്ങൾ.ഒരേക്കറിൽ ഡേയുടെ
ഒരു പലചരക്കു കടയും അതിനു മുകളിൽ പാറിപ്പറക്കുന്ന യൂണിയൻ
ജായ്ക്കും.
ബ്രിട്ടീഷ് സൈന്യം ആസ്ഥാനകേന്ദ്രമാക്കിയിരുന്ന കുന്നിനടുത്തായിരുന്നു
മേരി-ഡേ സംയുക്ത സംരംഭമായിരുന്ന ബ്രിട്ടീഷ് ഹോട്ടൽ.
സൈനീകോദ്യോഗസ്ഥർക്ക് ഈ ഹോട്ടൽ വളരെ സൗകര്യമായി.
ചായ,കാപ്പി,മദ്യം,സിഗരറ്റ്,എന്നിവ യ്ക്കു പുറമേ ഐറീഷ്,വെൽഷ്
വിഭവങ്ങളും ലഭിച്ചു.മിസ്സസ് സീക്ക്ക്കോളിന്റെ കഞ്ഞി ഏറെ
പ്രസിദ്ധമായി.അവർ വളർത്തിയ പന്നിക്കൂറ്റന്മാരിൽ നിന്നും അവർ
ഉണ്ടാക്കിയ സോസ്സേജും പ്രസിദ്ധമായി.
എന്നാൽ മേരി മദർ സീക്ക്ക്കോൾ ആയി മാറിയത് കൈപ്പുണ്ണ്യമുള്ള
ചികിസയാൽ ആയിരുന്നു.പണം വാങ്ങികാതെയും മേരിയമ്മ
നല്ല ചികിസ നൽകിയിരുന്നു.നൈറ്റിംഗേൾ മിലിട്ടറി ഹോസ്പിറ്റലിൽ
മാത്രം സേവനം ഒതുക്കി.പക്ഷേ മേരിയമ്മ  പോർകളത്തിലും മടികൂടാതെ
പാഞ്ഞെത്തി ആതുരശുശ്രൂഷ നൽകി.മരിച്ചവരെ മാറ്റാൻ ചെല്ലുന്നവർ
ആസന്നമരണരുടെ വായിൽ ബ്രാണ്ടി തുള്ളീകൾ നൽകിയിരുന്ന മേരിയമ്മയെ
നിരവധി തവണ കണ്ടിരുന്നു.ബ്രിട്ടീഷുകാര്ക്കും ഫ്രഞ്ചു കാർക്കും മാത്രമല്ല
ശത്രുക്കളായ റഷ്യാക്കാർക്കും മേരി അമ്മയുടെ പരിചരണം കിട്ടി.
യുദ്ധം അവസാനിച്ചത് മേരിയ്ക്കും ഡേയ്ക്കും വൻ അടിയായിപ്പോയി.
അവർ വികസനത്തിനായി വൻ തുക കടം വാങ്ങി മുടക്കി കഴിഞ്ഞിരുന്നു.
ധാരാളം ഭക്ഷണ വസ്തുക്കളും മരുന്നും വാങ്ങിക്കൂട്ടിയിരുന്നു.മൃഗങ്ങളേയും.
സൈന്യം പിന് വാങ്ങിയതോടെ അവയെല്ലാം റഷ്യാക്കാർക്കു കിട്ടിയ വിലയ്ക്കു
കൊടുക്കേണ്ടി വന്നു.1856 ല് ഇംഗ്ലണ്ടിൽ മടങ്ങിയെത്തിയപ്പോൾ കടം കേറി
മേരി പാപ്പരായി.
എന്നാൽ മാധ്യമങ്ങൾ മേരിയെ വാഴ്ത്തി.ചിരാതേന്തിയ നൈറ്റിംഗേലിനെ
പോലെ ചായകോപ്പയേന്തിയ ഈ ലലനാമണിയും ബ്രിട്ടനിൽ പ്രസിദ്ധയായി.
മാധ്യമങ്ങൾ അവരെ കടത്തിൽ നിന്നും കര കയറ്റാൻ പരിപാടികൽ ആസൂത്രണം
ചെയ്തു.ദ ടൈം,പഞ്ച് എന്നിവ അതിനു മുൻ കൈ എടുത്തു.മേരി അവരുടെ
സ്മരണകൾ പുസ്തകമാക്കി.മധുരനാരങ്ങ പോലെ അതു വിറ്റഴിക്കപ്പെട്ടു.
ദ വണ്ടർഫുൾ അദ്വഞ്ചേർസ് ഓഫ് മിസ്സസ് മേരി സീക്കോൾ ഇൻ മെനിലാൻഡ്സ്.
നൈറ്റിംഗേലിനു മേരിയെ അത്ര പഥ്യമായിരുന്നില്ല.ഒരഴിഞ്ഞാട്ടക്കാരിയും
കള്ളു കച്ചവടക്കാരിയും എന്ന വിലയിരുത്തൽ.ബ്രിട്ടീഷ് ഹോട്ടൽ അവർക്ക്
ഒരു ചീത്ത സ്ഥലം ആയിരുന്നു.
വിക്ടോറിയൻ കാലഘട്ടത്തിലെ മോഡൽ ആയിരുന്നു നൈറ്റ്മ്ഗേൽ
എങ്കിൽ മേരി അമ്മ ആധുനിക കാലഘട്ടത്തിന്റേയും.
മേരി സമ്പന്നയായി തന്നെ അന്തരിച്ചു.1881 ല് ലണ്ടനിൽ.എഴുപത്തി
ആറാം വയസ്സിൽ.
ചിരിയാൽ നേടാവുന്നതെല്ലാം നേടി  എന്നതായിരുന്നു അവരുടെ സ്വയം വിലയിരുത്തൽ.

ചിരാഗേന്തിയ മഹിളാമണിയും ചായക്കോപ്പയേന്തിയ ലലനാമണിയും

ചിരാഗേന്തിയ മഹിളാമണിയും
ചായക്കോപ്പയേന്തിയ ലലനാമണിയും

മധുരപ്പതിനാറിൽ ദൈവവിളി കേട്ട പെൺകിടാവായിരുന്നു
ഫ്ലോറൻസ് നൈറ്റിംഗേൽ.1837ഫെബ്രുവരി ഏഴിലെ ഡയറിക്കുറിപ്പിൽ
അവളതെഴുതി വയ്ക്കയും ചെയ്തു:
"ഇന്നു ദൈവം എന്നെ വിളിച്ചു;അവനെ ശുശ്രൂഷിക്കാൻ".

എന്നാൽ അതേതു രീതിയിലാവണം എന്നു തീരുമാനിക്കാൻ
അവൾക്ക് ഏഴുവർഷം ഏടുക്കേണ്ടി വന്നു.
അവസാനം "ആതുരശുശ്രൂഷയാണു ദൈവശുശ്രൂഷ" എന്നവൾ കണ്ടെത്തി.
അവളുടെ സമ്പന്നവും കുലീനവും ആയ കുടുബത്തിനു അനുവദിക്കാൻ
കഴിയുന്ന കാര്യമായിരുന്നില്ല അക്കാലത്ത് നേർസിംഗ് .

പുഴുത്തു നാറുന്ന ഇടങ്ങളായിരുന്നൂ പത്തൊൻപതാം നൂറ്റാണ്ടിൽ
ആതുരാലയങ്ങൾ എല്ലാം തന്നെ.നേർസുമാർ മോശം സ്വഭാവക്കാരാണെന്നും
വെള്ളമടിക്കാനും ശരീരം വിൽക്കാനും തയാറാകുന്നവരാണെന്നും ജനം
കരുതിയിരുന്ന കാലം.
എന്നാല് ലണ്ടനിലെ ഹാർലി തെരുവിലെ ഇൻസ്റ്റിട്യൂട്ട് ഫോർ ദകെയർ
ഓഫ് ജെന്റിൽ വുമൺ ഇൻ ഡിപ്രസ്സ്ഡ് സർക്കംസ്റ്റാൻസസ് എന്ന
സ്ഥാപനത്തിൽ പ്രായം ചെന്ന അമ്മമാർക്കു പരിചരണം നൽകുന്ന
ജോലി സ്വീകരിക്കുവാൻ കുടുംബം മനസ്സില്ലാ മനസ്സോടെ അവൾക്ക്
അനുമതി നൽകി.

മെഡിക്കൽ ഡോക്ടറന്മാരും ബൊട്ടാണിക്കൽ ഗാർഡനുകളും

മെഡിക്കൽ ഡോക്ടറന്മാരും ബൊട്ടാണിക്കൽ ഗാർഡനുകളും

മരുന്നു വിൽപ്പനക്കാരനും ചെറുഡോക്ടറുമായിരുന്ന ജയിംസ്
ക്ലാർക്ക് ആണു ബേമിംഗാമിൽ ഒരു ബൊട്ടാണിക്കൽ ഗാർഡൻ
വേണമെന്ന ആശയം കൊണ്ടു വന്നത്.1801 കാലഘട്ടത്തിൽ.30
വർഷത്തിനു ശേഷം മറ്റു രണ്ടു ഡോക്ടറന്മാർ-ജയിംസ് ആമിറ്റേജ്,
ജോൺ ഡാവാൾ എന്നിവർ അതു യാഥാർത്ഥ്യമാക്കി.
ബോട്ടണി മെഡിസിൻ അഥവാ വൈദ്യശാത്രത്തിന്റെ ഭാഗം
എന്ന നിലയിലാണു വളർച്ച പ്രാപിച്ചതു തന്നെ.സസ്യങ്ങൾക്കു
ഔഷധഗുണമുണ്ടെന്നു പ്രാചീനമനുഷയ്ര്ക്കറിയാമായിരുന്നു.
രോഗം തരുന്ന ദൈവം തമ്പുരാൻ അതിനുള്ള ഔഷധങ്ങൾ
സസ്യങ്ങളിലൂടെ നമുക്കു തരുന്നു.കണ്ടെത്തേണ്ടതു മനുഷ്യരുടെ
കടമ.ഓക്സ് ഫോർഡ് യൂണിവേർസിറ്റിയുടെ ബൊട്ടാണിക്കൽ
ഗാർഡൻ 1621 ല് തുടങ്ങിയതും ചെൽസിയാ ഫിസിക് ഗാർഡൻ
1673 ല് തുടങ്ങിയതും വർഷിപ്പ് ഫുൾ സൊസ്സൈറ്റി ഓഫ്
അപ്പോത്തികരീസ് എന്ന ഡോക്ടർ കൂട്ടയ്മയായിരുന്നു.

എഡിൻബറോ മെഡിക്കൽ സ്കൂളിൽ നിന്നു പരിശീലനം ലഭിച്ച
ഡോ.ഇറാസ്മിക് ഡാർവിൻ(1731-1802)ബോട്ടണിയിൽ ഏറെ
താൽപ്പര്യം എടുത്തിരുന്നു.ഡർബിയിൽ അദ്ദേഹം ഒരു ഔഷധത്തോട്ടം
സ്വന്തമായുണ്ടാക്കി.ബൊട്ടാണിക്കൽ ഗാർഡൻ എന്ന പേരിൽ രണ്ടു
വാള്യമുള്ള ഗ്രന്ഥം തന്നെ അദ്ദേഹം രചിച്ചു.
ബേമിംഗാം ലൂണാർ സൊസ്സിറ്റിയിൽ ഡോ.ഇറാസ്മിക് ഡാർവിന്റെ
കൂട്ടാളി ആയിരുന്ന ഡോ.വില്യം വിതറിംഗ് ഫോക്സ് ഗ്ലൗ വിന്റെ
ഔഷധഗുണം-ഹൃദ്രോഗ ചികിൽസയിൽ- കണ്ടെത്തി.അങ്ങിനെയാണു
ഇന്നും ഉപയോഗത്തിലുള്ള ഡിജിറ്റാലിസ് എന്ന ഔഷധം നിർമ്മിക്കപ്പെടുന്നത്.
അദ്ദേഹത്തിന്റെ മകൻ ബേമിംഗാം ബൊട്ടാണിക്കൽ ഗാർഡന്റെ
സംരക്ഷസ്ഥാനം ഏറ്റെടുത്തു,പിൽക്കാലത്ത്.

1597 ല് ഹെർബൽഎന്ന ഗ്രന്ഥം രചിച്ച ഡോ.ജോൺ ജെരാർഡ്,
ജർമ്മൻ ഡോക്ടർ ലിയോൻഹാർട്ട്ഫുക്സ്,ഫ്രാൻസിലെ ഡോ.ഗില്ലിയാമേ
റോണ്ടലെറ്റ്, പ്ലെമിഷ് ബോട്ടാണിസ്റ്റ്ഡോ.മത്യാസ്,സ്വീഡനിലെ ഒലോഫ്
റുഡ്ബക് സ്കോട്ട്ലണ്ടിലെ അലക്സാണ്ടർ ഗാർഡൻ(1730-91) എന്നീ ഡോക്ടറന്മാരും
ബോട്ടണി ശാസ്തത്തിനു നൽകിയ സംഭാവനയുടെ പേരിൽ, അവർ ഔഷധ
ഗുണം കണ്ടെത്തിയ സസ്യങ്ങളുടെ പേരിലൂടെ ഇന്നും സ്മരിക്കപ്പെടുന്നു.

യൂ.കെ യിൽ കർഷകൻ എന്നു പറഞ്ഞാൽ,

ഇന്ത്യയെപ്പോലുള്ളവികസ്വര രാജ്യങ്ങളിൽ മാത്രമല്ല
യൂ.കെ പോലുള്ള വികസിത രാജ്യങ്ങളിലും,അവിടെ
തന്നെ വെയിസുപോലുള്ള പാവങ്ങളുടെ പ്ര്ദേശങ്ങളിൽ
മാത്രമല്ല,ഒരിജിനൽ ,സമ്പ്ന്നമായ ഇംഗ്ലണ്ടിൽ പോലും
കർഷകർ ആത്മഹത്യ ചെയ്യേണ്ടി വരുന്നു.ലോകമെമ്പാടും
ഇന്നും കർഷകനു കഞ്ഞി കുമ്പിളിൽ തന്നെ.
പക്ഷേ അവിടെ ഡോക്ടറന്മാർ പോലും ഈ പ്രശ്നം
അവരുടെ പത്രങ്ങളിൽ ചർച്ചചെയ്യുന്നു.ഡിസംബർലക്കം റോയൽ കോളേജ് ബുള്ളറ്റിൻ പേജ് 624 കാണുക.

പക്ഷേ, യൂ.കെ യിൽ കർഷകൻ എന്നു പറഞ്ഞാൽ,
നമ്മുടെ കസ്തൂരി രങ്കനെതിരെ സമരം പ്രഖ്യാപിച്ച
മലനാടിലെ കപ്പയും കാച്ചിലും ചേമ്പും കൃഷിചെയ്യുന്ന
നസ്രാണി കർഷകരോ,പണ്ടു തക്ഴി രണ്ടിടങ്ങഴിയിലൂടെ
അവതരിപ്പിച്ച കുട്ടനാടൻ പുലയ കർഷകരോ ജ്ഞാനപീഠം
ഓ.എൻ,വി നമ്മളു കൊയ്യും വയലെല്ലാം നമ്മുടെതാകും
എന്നു പാടിച്ച മാല-ചാത്തൻ നെൽക്കർഷാരോ മാണി-
പി.സി കേ.കോ കാരുടെ ,മർഫി സായിപ്പു വഴികാട്ടിക്കൊടുത്ത
രബ്ബർ കർഷകരോ ഒന്നുമല്ല.
തൈ യാദവർ.കള്ളകൺനന്റെ വർഗ്ഗം.ഗോപാലകർ.ചങ്ങമ്പുഴയുടെ
രമണമദന വർഗ്ഗം.അജപാലകർ.ചെമ്മരിയാടിൻ കൂട്ടത്തെ
വളർത്തിയെടുക്കും അജപാലക സമൂഹം.
നാടിന്റെ പ്രത്യേകത കൊണ്ടാവം(കൃഷി ചെയ്യണമെങ്കിൽ സൂര്യപ്രകാശം
വേണമല്ലോ.അതിവിടെ ഇത്തിരികുറയും) സായിപ്പിനു നമ്മുടെ
സസ്യകൃഷി ശീലമില്ല. വർഷം മുഴുവൻ നല്ല സൂര്യപ്രകാശം,ഇഷ്ടം
പോലെ മഴ,പുഴകൾ,ചാരിത്ര്യം നഷ്ടമാകാത മണ്ണ്,അതു കൊണ്ടാവണം
ഇഷ്ടം പോലെ വിളഞ്ഞിരുന്ന കറുത്ത പൊന്നും ചെമന്ന പൊന്നും
പിന്നെ വെളുത്ത പൊന്നും വിലയ്ക്കു വാങ്ങാൻ കപ്പലോടിച്ചു
ലന്തപ്പറങ്കിയുമിങ്കിരിയേസ്സും ഇങ്ങു മലബാറിൽ(കേരളത്തിൽ)
എത്തിയതും നമ്മുടെ കുടിപ്പകയും കുതികാൽ വയ്പ്പും കാരണം
നമ്മുടെ ഭരണാധികാരികൾ ആയതും.
നമ്മുടെ,സഹ്യാദ്രിസാനുക്കളിലെ ജൈവസമ്പത്തിന്റെ മൂല്യമറിയാത്ത
ജനാധിപത്യ ഭരണാധികാരികൾ,തങ്ങൾക്കു വേണ്ടി വേഷം കെട്ടി
തെരുവിലിറങ്ങുന്ന പെൺപരിഷാൾക്കു സോപ്പു ചീപ്പു കണ്ണാടി
കരിമഷി വാങ്ങാൻ അതിനു പോക്കറ്റ് മണി കൊടുക്കാൻ ആ ജൈവ
സമ്പത്തു മുഴുവൻ തൊഴിലുറപ്പു പദ്ധതികൾ വഴി വെട്ടി നശിപ്പിക്കുന്നു.

കൃഷി യൂ.കെയിൽ

കൃഷി യൂ.കെയിൽ
യൂ.കെ യിൽ ഭൂമിയിൽ 70 ശതമാനം കൃഷി ആവശ്യങ്ങൾക്ക്
ഉപയോഗിക്കുന്നു എന്നാണു കണക്ക്.എന്നാൽ വരുമാനത്തിന്റെ 0.7ശതമാനം
മാത്രമാണു കൃഷിയിൽ നിന്നു ലഭിക്കുന്നത്.കഴിക്കാനുള്ള ഭക്ഷണത്തിന്റെ
40 ശതമാനം ഇറക്കുമതിയാണെന്നു കാണാം.സമർത്ഥരായ,അദ്ധ്വാൻശീലരായ
കർഷകർ,പുതുപുത്തൻ യന്ത്രസാമഗ്രികൾ,പുതിയ സാങ്കേതിക വിദ്യകൾ,
ഫലഭൂയിസ്ഷ്ടമായ മണ്ണ്,സബ്സിഡി ഇവയെല്ലാം ഉണ്ടെങ്കിലും കുറെ കാലി
വളർത്തലല്ലാതെ കാര്യമായ കൃഷി ഒന്നും കാണാനില്ല എന്നതാണു വാസ്തവം.
ഇന്നു ചെറുപ്പക്കാർ,നമ്മുടെ നാടിലെന്നതുൻ പോലെ കൃഷിയിലേക്കീറങ്ങുന്നില്ല
ഇവിടേയും.കർഷകരുടെ ശരാശരി പ്രായം 59 വയസ്സും.

ചാൾസ് രാജകുമാരൻ താൽപ്പര്യം എടുത്തതിനെത്തുടർന്നു യൂ.കെയിലും ജൈവകൃഷി
പച്ചപിടിച്ചു വരുന്നു.പലരും ജൈവ ഡീസലിനു പറ്റിയ കൃഷിയിലേക്കു തിരിയാൻ
താൽപ്പര്യം കാട്ടുന്നു.വന സംരക്ഷണത്തിനും പ്രകൃതി സംരക്ഷണത്തിനും വൻപ്രാധാന്യം
കൊടുക്കുന്ന യൂ.കെയിൽ തീർച്ചയായും കർഷകർക്കു നാടിന്റെ പരിസ്ഥിതി
സംരക്ഷണത്തിൽ നല്ലൊരു പങ്കു വഹിക്കാൻ കഴിയുന്നു.