ബ്രിഡ്ലി പ്ലേസ്

ബേമിംഗാമിലെ ബ്രിഡ്ലി ഇടം

ബേമിംഗാം നഗരിയുടെ സിരാകേന്ദ്രം ബ്രിഡ്ലി പ്ലേസ്
എന്ന പേരിൽ അറിയപ്പെടുന്ന കനാൽ കടവാണ്.
ബേമിംഗാമിലെ വെസ്റ്റ് ഡിസ്ട്രിക്റ്റിലാണ് അതി
മനോഹരമായ ഈ ഹർമ്മ്യ സമുച്ചയം.പതിനെട്ടാം
നൂറ്റാണ്ടിലെ പ്രശസ്ത കനാൽ എഞ്ചിനീയർ ജയിംസ്
ബ്രിൻഡ്ലിയുടെ സ്മരണ നിലനിർത്താൻ ഈ തെരുവുനാമം
സഹായിക്കുന്നു.1993 മുതൽ ആർജന്റ് ഗ്രൂപ്പി.എൽ.സി
എന്ന കമ്പനി നിർമ്മിച്ചെടുത്ത വീഥി ഏറെ പ്രസിദ്ധം.
വിൽപ്പന കേന്ദ്രങ്ങൾ,ബാറുകൾ,ഭോജനശാലകൾ എന്നിവയ്ക്കു
പുറമേ നാഷണൽ സീ ലൈഫ് സെന്റർ എന്ന സാമുദ്രിക
കാഴച ബംഗ്ലാവ്,റോയൽ ബാങ്ക് ഓഫ് സ്കോട്ലണ്ട്,ഓറിയോൺ
മീഡിയ ഐക്കോൺ ഗാലറി ഓഫ് ആർട്സ്,ഹിൽട്ടൺ ഗാർഡൻ ഇൻ
എന്നിവയെല്ലാം 17 ഏക്കർ വരുന്ന ഈ ഇടത്തിൽ സ്ഥിതിചെയ്യുന്നു.
ഇത്ര വലിപ്പമുള്ള മറ്റൊരു പ്രോജക്ടും യൂ.കെയിലില്ല.ബേമിംഗാം
കനാൽ നാവിഗേഷൻ മെയിൻ ലൈൻ കനാൽ ബ്രിൻഡ്ലി ഇടത്തെ
ഇന്റർനാഷണൽ കണവെൻഷൻ സെന്ററുമായി വേർതിരിക്കുന്നു.
തമ്മിൽ ബ്ന്ധിപ്പിക്കാൻ മനോഹരമായ ഒരു പാലമുണ്ട്.നാഷണൽ
ഇൻഡോർ അരീന ഓൾഡ് ടേൺ കവല,ബാറുകളാൽ സമ്പന്നമായ
ബ്രോഡ്സ്ട്രീറ്റ് എന്നിവ തൊട്ടടുത്തു തന്നെ സ്ഥിതിചെയ്യുന്നു.
ബസ്സ്സ്റ്റേഷനും റയിൽ വേ സ്റ്റേഷനും തൊട്ടടുത്തു തന്നെ