ചരിത്രസ്മാരക സംരക്ഷണം

ചരിത്രസ്മാരക സംരക്ഷണം
ബ്രിട്ടനിൽ കഴിഞ്ഞ നൂറു കൊല്ലമായി
ചരിത്രസ്മാരകസംരക്ഷണ പ്രവർത്തങ്ങൾ
വൻ തോതിൽ നടക്കുന്നു.
ബ്രിട്ടനിൽ എൻഷ്യന്റ് മോനുമെന്റ്സ് കൻസോളിഡേഷൻ
ആൻഡ് അമെൻഡ്മെന്റ് ആക്റ്റ്നിലവിൽ വരുന്നത് കൃത്യം
നൂറു വർഷം മുൻപു 1913ല് 2013 അതിന്റെ ശതവർഷാഘോഷം.
ഇന്ത്യയിലെ വൈസ്ര്യോയി ആയിരുന്ന കർസൺ പ്രഭു
ആണു ഈ ആക്ടിനു പിന്നിൽ പ്രവർത്തിച്ചത്.
1912 ല് ഇന്ത്യയിൽ ചരിത്രസ്മാരകങ്ങൾ സംരക്ഷിക്കാൻ
കർസൺ പ്രഭു നിയമം കൊണ്ടു വന്നു പക്ഷേ അദ്ദേഹത്തിന്റെ
ജന്മനാടായ ബ്രിട്ടനിൽ അത്തരമൊരു നിയമം ഇല്ലായിരുന്നു.
സമ്പന്നരായ ചില അമേർക്കക്കാർ ബ്രിട്ടനിലെ പഴയ കെട്ടിടങ്ങളും
കാസ്സിലുകളും കൊട്ടാരങ്ങളും വിലയ്ക്കു വാങ്ങി അതു പൊളിച്ചു
വിറ്റു വൻപണക്കാരായി കൊണ്ടിരുന്നു.ചില കെട്ടിടങ്ങൾ
അന്യരാജ്യങ്ങളിളേക്കു പറിച്ചു നടപ്പെട്ടു.കാപ്റ്റ്യൻ കുക്ക്
ജനിച്ച കുടിൽ അങ്ങനെ പറിച്ചു നടപ്പെട്ടത് ആസ്ത്രേലിയായിൽ.
 ലിങ്കൻ ഷയറിൽ പതിനഞ്ചാം നൂറ്റാണ്ടിൽ നിർമ്മിക്കപ്പെട്ട
റ്റാറ്റർഷാൾ കാസ്സിൽ,മുഴുവൻ ഇഷ്ടികയിൽ നിർമ്മിക്കപ്പെട്ട,

മനോഹര സൗധം പലകൈ മാറി മറിഞ്ഞ് ഒരു അമേരിക്കൻ
കച്ചവടകൂട്ടായ്മയുടെ കൈകളിൽ എത്തിയത് 1913 ല്.
അതിലെ തീകായൽ സ്ഥലം (ഫയർ പ്ലേസ്) അഴിച്ചു മാറ്റി
അമേരിക്കയിലേക്കു കൊണ്ടു പോകുന്ന വിവരം കർസൺ
പ്രഭുവിന്റെ ചെവിയിൽ എത്തി.ബാക്കി കെട്ടിടവും
അമേരിക്കയിലേക്കു കടത്തും എന്നറിഞ്ഞ അദ്ദേഹം അതു
വിലയ്ക്കു വാങ്ങി.പിന്നീട് വിൽക്കപ്പെട്ട തീകായൽ സ്ഥലവും
തിരിച്ചു വാങ്ങി യഥാസ്ഥാനത്തു വച്ചു. തുടർന്നദ്ദേഹം
പാർലമെന്റിൽ നിയമം കൊണ്ടു വരാൻ മുൻ കൈഏടുത്തു.
അതിനു ശേഷം ബ്രിട്ടനിലെ ഒരു പുരാതന കെട്ടിടം പോലും
നഷ്ടപ്പെട്ടില്ല.
ഇപ്പോഴിതാ സദാം ഹുസ്സന്റെ ബദ്രായിലെ കൊട്ടരവും
ബ്രിട്ടൻ,ഇംഗ്ലണ്ടിലെ മ്യൂസ്സിയം സംരക്ഷിക്കാൻ പോകുന്നു.