സർ വാൾട്ടർ സ്ട്രിക്ലാണ്ട് (Sir Walter William Stricland,Botanist 9th Baronet,1851-1938)

സർ വാൾട്ടർ സ്ട്രിക്ലാണ്ട്
(Sir Walter William Stricland,Botanist 9th Baronet,1851-1938)
 1906 ല് തിരുവനന്തപുരത്ത്വന്നതെന്തിനായിരുന്നു?

പ്രസിദ്ധ ബ്രിട്ടീഷ് ബയോളജിസ്റ്റ് സർ വാൾട്ടർ സ്ട്രിക്ക്ലാണ്ട്
1906 കാലത്ത് കുറേ നാൾ തിരുവിതാം കൂറിൽ ,പ്രത്യേകിച്ചും
അനന്തപുരിയിലും ചുറ്റുപാടും ചുറ്റിക്കറങ്ങിയിരുന്നു.
തിരുവിതാം കൂറിലെ ജൈവവൈവിധ്യത്തെ കുറിച്ചു പഠിക്കാനും
അപൂർവ്വ സസ്യങ്ങളുടെ തൈകളും പൂവും ആയും ശേഖരിക്ക
മാത്രമായിരുന്നോ ലക്ഷ്യം?
സസ്യങ്ങൾ ശേഖരിക്കാൻ സായിപ്പിനു ഹജൂർ കച്ചേരി പരിസരത്തു
നിന്നു കൗമാരപ്രായത്തിലുള്ള രണ്ടാൺകുട്ടികളെ കിട്ടും.തൈക്കാട്
മോഡൽ സ്കൂളീൽ പഠിച്ചിരുന്നവർ.പാളയത്തിനും ഹജൂർ കച്ചേരിക്കും
ഇടയിൽ ഇപ്പോൾ അക്കൗണ്ടന്റ് ജനറൽ ഓഫീസ്സിരിക്കുന്ന ഭാഗത്ത്
അക്കാലത്ത്ചിന്നസ്വാമിപിള്ള എന്ന പോലീസ് ഹെഡ്കോൺസ്റ്റബിൾ
കുടുംബസമേതം താമസ്സിച്ചിരുന്നു.അദ്ദേഹത്തിന്റെ മകൻ 12 വയസ്സുകാരൻ
ചെമ്പകരാമൻ പിള്ള സഹോദരന്റെ മകൻ പത്മനാഭപിള്ള എന്നിവരെയാണു
സായിപ്പിനു സഹായത്തിനു കിട്ടിയത്.മരുത്വാമലയിൽ നിന്നും അപൂർവ്വ ഔഷധ
ചെടികൾ സമ്പാദിക്കുക സ്ട്രിക്ലാണ്ടിന്റെ ലക്ഷ്യമായിരുന്നിരിക്കണം.
സായിപ്പു തിരിച്ചു പോകുമ്പോൾ രണ്ടു കുട്ടികളേയും കൂടെ കൊണ്ടു പോയി.
ശ്രീലങ്ക വഴിയായിരുന്നു മടക്കം.കോളംബോയിൽ എത്തിയപ്പോൾ പദ്മനാഭൻ
തിരിച്ചു പോന്നു.ചെമ്പകരാമൻ ബ്രിട്ടനിൽ എത്തും.സ്ട്രിക്ലാണ്ട് ആ പയ്യന്
ആസ്റ്റ്രിയായിൽ പഠന സൗകര്യം ഒരുക്കും.ആ പയ്യൻ വളർന്നു വലുതായി.
നാമെല്ലാം ആരാധിക്കേണ്ടുന്ന ഒരു മഹാനായ തിരുവിതാം കൂർ കാരനാകും.
ആരായിരുന്നു ആ മഹാൻ?(സെപ്തംബർ15,1891-മേയ് 26,1934)
അതിനു മുൻപു ആദ്യംചോദിച്ച ചോദ്യത്തിനു മറുപടി?
വെറും ഒരു ബയോളജിസ്റ്റ് മാത്രമായിരുന്നോ സർ വാൾട്ടർ സ്ട്രികലാണ്ട്?
അതോ ഒരു ചാരൻ ആയിരുന്നോ?