ബോഡി മാസ് ഇൻഡക്സ് (ബി. എം.ഐ)

കൗമാരപ്രായത്തിലുള്ള കുട്ടികൾ മുതൽ മുതിർന്നവർ വരെ അത്യാവശ്യം അറിഞ്ഞിരിക്കേണ്ട
ഒന്നാണവരവരുടെ ബോഡി മാസ് ഇൻഡക്സ് (ബി. എം.ഐ) നമ്മുടെ കേരളത്തിൽ വിദാർത്ഥികൾക്കു ഈ വസ്തുത
മനസ്സിലാക്കി കൊടുക്കാൻ, അവരുടെ പാഠപ്പുസ്തകത്തിൽ ഈ വിവരം ഉൾപ്പെടുത്തിയിട്ടുണ്ടോ എന്നറിഞ്ഞു
കൂടാ.തീർച്ച്യായും ഉൾപ്പെടുത്തേണ്ട ഒരു കാര്യമാണിത്.ബ്രിട്ടനിൽ കൗമാരപ്രായത്തിൽ തന്നെ
ഈ വിവരം മനസ്സിലാക്കി കൊടുക്കുന്നു. ജി.പി യുടെ അടുത്തെത്തുമ്പോൾ ബി.എം.ഐ
കൂടുതലെങ്കിൽ അവർക്കു വ്യായാമം നിർബ്ബന്ധമായും നൽകാനുള്ള ഏർപ്പാടും ഭരണ സംവിധാനം
തന്നെ നൽകും.എഡ്ജ്ബാസ്റ്റൺ കിക്രറ്റ് സ്റ്റേഡിയത്തിനു സമീപമുള്ള കാനൻ ഹിൽ പാർക്കിൽ പൊതുജനങ്ങൾക്കു
വ്യായാമപരിശീലനം നൽകുന്ന കാഴ്ച് പല തവണ കണ്ടിട്ടുണ്ട്.രോഗം വന്നിട്ടു ചികിസിക്കാനല്ലാതെ
രോഗം വരാതെ നോക്കാനുള്ള ഏർപ്പാടുകൾ ചെയ്യാനുള്ള ബോധം നമ്മുടെ ഭരണ സംവിധാനത്തിനു
ഇതു വരെ വന്നിട്ടില്ല.